Scoil a roghnú

Tá trí chineál soláthair ann chun freastal ar an raon riachtanas oideachais atá le fáil i measc daltaí i mbunscoileanna agus in iar-bhunscoileanna.

Is iad seo:

• ranganna príomhshrutha i scoil phríomhshrutha
• ranganna speisialta i scoil phríomhshrutha
• scoileanna speisialta

Uaireanta déantar cur síos ar an raon soláthair seo mar chontanam (soláthar), ó ranganna príomhshrutha uilechuimsitheacha ag taobh amháin den chontanam, go socrúchán i scoil speisialta ag an gceann eile.

Aon áit a gcuirtear leanbh, ba chóir go mbeadh socrúcháin oideachais solúbtha. Ba chóir socrúcháin oideachais a athbhreithniú go tréimhsiúil de réir mar a athraíonn riachtanais an dalta.

Rang príomhshrutha i scoil phríomhshrutha

Rang príomhshrutha i mbunscoil nó iar-bhunscoil phríomhshrutha ina bhfuil príomhfhreagracht ar an múinteoir ranga nó ábhair as dul chun cinn gach dalta sa rang, daltaí a bhfuil riachtanais speisialta oideachais acu san áireamh.

Is féidir tacaíocht teagaisc bhreise ó mhúinteoir oideachais speisialta a sholáthar do leanbh bunaithe ar a riachtanais. Cliceáil anseo le haghaidh tuilleadh eolais.

Leithdháiltear cúntóirí riachtanas speisialta (CRS) ar scoileanna chun oibriú le leanaí a bhfuil sainriachtanais chúraim acu. Soláthraíonn siad tacaíocht cúraim neamh-mhúinteoireachta. Tugann CRS tacaíocht do dhaltaí a bhfuil riachtanais chúraim acu de bharr míchumas, deacrachtaí iompair nó saincheist shuntasach leighis.

Chun tuilleadh eolais a fháil ar na tacaíochtaí atá ar fáil do dhaltaí a bhfuil riachtanais speisialta oideachais acu sa phríomhshruth is féidir leat dul i dteagmháil le d’ERSO trí chliceáil anseo.

Ranganna speisialta i scoileanna príomhshrutha

Cuireann ranganna speisialta i scoileanna príomhshrutha timpeallacht thacúil foghlama ar fáil do dhaltaí a bhfuil riachtanais níos casta acu áit nach mbeadh, nó nach raibh, ranganna príomhshrutha in ann freastal ar a gcuid riachtanas.

Chun é/í a chur i rang speisialta ní mór go mbeadh tuairisc ghairmiúil ag páiste ag rá go bhfuil riachtanas speisialta oideachais aige/aici agus go bhfuil an riachtanas seo chomh casta sin go bhféadfaí socrúchán ranga speisialta a chur san áireamh.

Tá cóimheas níos ísle idir daltaí agus múinteoirí ag ranganna speisialta de réir chatagóir an mhíchumais. Ciallaíonn sé seo go mbíonn líon beag daltaí sna ranganna, mar shampla, beidh múinteoir amháin in aghaidh gach ochtar ag rang speisialta do leanaí le míchumais foghlama ghinearálta measartha.

Is socrú solúbtha é socrúchán i rang speisialta a d’fhéadfadh athrú de réir mar a thagann forbairt ar fhoghlaim an dalta. Nuair is féidir, ba chóir go gcuirfí oideachas ar dhaltaí i ranganna speisialta taobh le piaraí príomhshrutha ar feadh cuid éigin den lá nó den tseachtain, nó le haghaidh roinnt gníomhaíochtaí nó ábhar, ag teacht lena riachtanais agus lena gcumas. Cliceáil anseo le haghaidh tuilleadh eolais.

Cliceáil anseo le haghaidh liosta scoileanna le ranganna speisialta. Chun tuilleadh eolais a fháil ar scoileanna ina bhfuil ranganna speisialta do do leanbh is féidir leat dul i dteagmháil le d’ERSO trí chliceáil anseo.

Scoileanna Speisialta

Tugann scoileanna speisialta tacaíocht do dhaltaí a bhfuil riachtanais speisialta oideachais acu atá níos déine agus/nó níos casta i gcásanna nach mbeadh socrúchán príomhshrutha lánaimseartha chun leas an dalta. D’fhéadfadh go mbeadh sé an-deacair éilimh na scoileanna príomhshrutha a bheith ag na daltaí seo.

Chun é/í a chur i scoil speisialta ní mór go mbeadh tuairisc ghairmiúil ag leanbh ag rá go bhfuil riachtanas speisialta oideachais aige/aici agus go bhfuil an riachtanas seo chomh casta sin go bhféadfaí socrúchán scoile speisialta a bhreithniú.

Is gnách go mbíonn níos lú daltaí ag scoileanna speisialta. Tá cóimheas dalta-múinteora níos ísle acu atá sonraithe de réir chatagóir an mhíchumais. Ciallaíonn sé seo go mbíonn líon beag daltaí sna ranganna. Mar shampla, tá múinteoir amháin in aghaidh gach ochtar ag scoil speisialta do dhaltaí le míchumas foghlama ginearálta measartha.

Cliceáil ar ár Léarscáil Eolais Scoile tchun Scoil Speisialta i do cheantar a aimsiú.

Má theastaíonn comhairle uait chun a fháil amach cad iad na tacaíochtaí oideachais is fearr a d’oirfeadh do do leanbh is féidir le d’ERSO áitiúil cabhrú leat. Is féidir leat dul i dteagmháil le d’ERSO trí chliceáil anseo.

Ag Tacú le Aistrithe

Tá treoirlínte idirthréimhseacha foilsithe ag an NCSE do thuismitheoirí daltaí a bhfuil riachtanais speisialta oideachais acu. Tá sé mar aidhm ag na treoirlínte seo cabhrú le tuismitheoirí tacú lena bpáistí aistrithe rathúla a dhéanamh.

Tá treoir foilsithe ag an NCSE freisin do scoileanna maidir le tacú le daltaí a bhfuil riachtanais speisialta oideachais acu aistrithe rathúla a dhéanamh. Cliceáil ar na naisc thíos chun na treoirlínte a fheiceáil.

Teagasc Baile

I gcúinsí eisceachtúla d’fhéadfadh leanaí a bheith incháilithe don Scéim Teagasc Baile.

Cuireann an scéim Teagasc Baile maoiniú ar fáil do thuismitheoirí chun oideachas a chur ar fáil sa bhaile do leanaí nach bhfuil (ar chúiseanna éagsúla, ar nós tinneas ainsealach) in ann freastal ar scoil.

Le haghaidh tuilleadh eolais déan teagmháil le d’ERSO áitiúil.

Iompar scoile

Go ginearálta, tá leanbh atá incháilithe do shocrúchán i rang speisialta incháilithe freisin d’iompar saor in aisce chuig an rang is gaire dóibh.